Kuch naya try kartey hai..

Chal aaz kuch naya try kartey hai...
Apni khushiyo ko aaz thoda fry katey hai...
Thoda saa life mei spice bhartey hai....
Chal aaz kuch naya try kartey hai...
Maana life mein gum bahut hai...
Jinkey kaaran eyes yeh wet hai...
Aaz khud se heee ek choti si bet kartey hai....
Befaltu ki baaton par naa ab eyes ko dry kartey hai...
Chal aaz kuch naya try kartey hai...
Mana jeena thodaa difficult yaha hai...
Life mein stability ka nut kaha hai...
Bina stable huye life ko balance karney kaa try kartey hai..
Chal aaz kuch naya try kartey hai...
Maanta hoo baaten karna bahut easy hai...
Aaz kal hum sabki life bahut busy hai...
Es life ko lekar thinking change kartey hai...
Chal aaz kuch naya try kartey hai....
Maana life mein temporary sadness hai..
Pichey chupi uskey hamesha ek happiness hai..
Dono ek he ek saath butter mei fry kartey hai...
Chal aaz kuch nay try kartey hai....
Khuli es air mei hum walk kartey hai...
Dil mei hai jitni bhi baaten chal talk kartey hai.....
Life mein bahut sii hain tension..
Hum unko ab nahi karengey kahi mention..
Maana sab mei hoti hai thodi cruel intention..
Lekin life mei zaruri hai en sabka connection..
En sabko ek saath lekar chalney ko try kartey hai...
Chal aaz kuch naya try kartey hai....

Haal-E-Dil

Kabhi hosh mein hokar bhi hosh mein nahi hote hum...

Kabhi behoshi mein bhi hosh aa jata hain...

Kabhi bheed mein gum ho jaate hain hum...

Kabhi bheed mein hee khud ko pehchaan paate hain...

Kabhi bhookh naa ho to bhi dubaara khaate hain hum...

Kabhi khaali pet bhi niwaala nahi utarta hain...

Kabhi soch mein hee apni kho jaate hain hum...

Kabhi chaah kar bhi nahi soch paate hain...

Kabhi apne dukh ka jashn manate hain hum..

Kabhi apni khushi mein khud shareeq nahi ho pate hain...

Kabhi akele hee milo chal padte hain hum...

Kabhi chaar kadam chal thakk jaate hain...

Kabhi hausla khud par zarurat se zyada karte hain hum...

Kabhi ratti bhar bhi yakeen nahi kar paate hain...

Kabhi khud se hee ishq ladaate hain hum...

Kabhi sirf khud se hee nafrat le paate hain...

Kabhi dosto ka mazak udaate hain hum...

Kabhi puri mehfil mein mazak ban jaate hain...

Kabhi unse mohabbat kar baithte hain hum...

Kabhi chah kar bhi bhool unhe nahi paate hain...

Yeh Chaahat

Itni shiddat se maine unhe chaaha hain

Rooh ke har zarre mein unko hee basaaya hain

Shayad yeh bas meri kismat ka hee khel hain

Sachey iss dil se maine jo unko chaaha hain

Kaash dil-e-nadaan ko samjhaana aasan hota

Naa aati unki yaad aur naa phir yeh dil maayus hota

Meri chaahat ko main kaise samjhaaun ab

Unke waapis aane ki naa koi umeed hain jab

Jaanta hu yeh daur bhi chala jaayega

Lekin jab tak rahega bas yaad unhi ki dilaayega

Naa jaane kyu dil koi umeed kar leta hain

Aati hain unki yaad aur aankhien namm kar leta hain

Mujhe apni aankhon par bahut taras aata hain

Roti hain yeh bas unki yaadon ka namak aata hain

Sab kehete hain bhul jao unhe vo shaayad tumhare laayak he nahi

Main to maan bhi lunga lekin mera dil yeh maanne ko tyaar nahi

Meri chaahat ka mazak naa udaao

Yun mere dil ko naa itna bebas banao

Yeh dil apni dhadkan se juda ho nahi sakta jaise

Main shayad unhe apni zindagi se nikaal nahi sakta aise

Aye khuda ek choti si fariyaad karta hu

Vo jahan rahe khush rahe dil se yeh dua karta hu

Waise to haq kho baitha hu main khud hee unko apna banane ki

Lekin mujhe aadat nahi hai khud ko yun behlaane ki

Meri rooh unhe aaj bhi utna hee yaad karti hain

Har pal yeh bas unse aur zyada pyar karti hai...

Khud se jhooth bolu kaise

Main duniya se toh jhooth bol bhi du

Khud se jhooth bolu to bolu kaise

Main apni aankhon ke aansu rok to lu

Par aansu ko behney se roku kaise

Main unko apne dil se nikaal bhi du

Par phir iss dhadkan ko samjhaun kaise

Main unka zikar dil se nikaal to du

Magar khud ko aisa karne ko manau kaise

Main apni achayi ka mukhotta hata to du

Magar apne andar burayi laau kaise

Main bhaley hee sabko khoob hasa du

Par khud ki hansi ko chehre par laau kaise

Main kisi aur se shayad dil laga bhi lu

Magar dusra phir dil main laau kaise

Main khud se shiddatt se ladd to lu

Magar itna hausla apne mein laau kaise

Main bhulaana to unko chahta hu

Magar samajh nahi aata unhe bhulaau kaise

Main tanhaa rehna chodd to du

Magar dil ko apne samjhaau kaise

Main duniya se jhooth bol bhi du

Khud se jhooth bolu to bolu kaisey...

Meri Raah

Aasan nahi hai raah yeh jaanta hoo mei..
Phir bhi apney es dil ka kaha manta hoo mei..
Manzil dur beshak hai meri abhi...
Shaayad pahuchney mein waha waqt lagega abhi...
Yeh waqt bhaley hee thoda mushkil sa lagta hai...
Yaad rakhna sapno ko pura karney mei waqt hee lagta hai...
Aagey hee badhnaa hain ab mujhey..
Apni galtiyo se seekhnaa hain sab mujhey...
Mein muqkmal apna jaha banaunga khud
Girunga thokar kha kar phir khud hee sambhal jaaunga khud...
Raah mushkil zaroor hain naamumkeen nahi..
Yeh himmat ab badhegi aur tutegi nahi...
Bas duao ka tumhari saath chaaheye...
Kal jo thama tha tumney mujhey vahi vishwaas chaaheye...
Dil pareshan zaroor hai par maanega nahi yeh haar mera.
Jo ho chuka usko badal nahi sakta koi..
Lekin beete kal ko bhulaney ka hausla chaaheye...
Mein laut kar zaroor aaunga ye wada hai mera...
Mein laut kar zaroor aaunga ye wada hai mera...

Mein Aur Mera Darr

Main aur mera darr bhi ajeeb hain.

Naa to uske saath jiyaa jaata hain 

Aur naa hee uske bin..

Jab main chota bachha tha..

Main sabse hee kyu darrta tha..

Vo karte to the pyaar mujhe..

Unko khoney se main darrta tha..

Kabhi cricket selection se darra..

Kabhi teacher ki maar se darrta tha...

Kya likhunga exam mein kal...

Yeh soch kar darrta tha har pal..

main chaahta tha jisko, usko kehene se darrta tha...

Jab dil ka haal sunaaya to uske jawab se darra tha...

Jawab jo haan aaya uska to usko khoney se darrta tha...

Darrta tha main apne darr se itna ki kuch bhi kehene se darrta tha...

Zindagi ki bheed mein kho naa jaun iss baat se darrta tha..

Bhool naa jaaye yeh kaminey dost iss baat ko lekar darrta...

Kuch khwaab dekhe the maine, unn khwaabo ke tutney par darrta tha...

Akela naa ho jaun iss jahaan mein kahin iss baat ko lekar darrta tha..

Kaise jiyunga apni tanhayi mein yeh soch kar darrta tha..

Kahan le jaayegi meri meri manzil meri..

Kya hogi ab aagey taqdeer meri...

Es baat ko lekar darta tha...

Phir Milengey

Jahan hum the wahan ab naya koi aayega..

Beshakk humse acha vo insaan kahelaayega...

Humne to bas apney iss dil ki hee suni hai...

Log kehetey hain bahut galtiyaan humne ki hain...

Beshakk koi naya humari kamman ab le lega...

Magar kya vo tum sabka dil jeet lega...

Meri dua hain vo bas ek achaa insaan nikale...

Kaam se uski khud ki alag pehchaan nikaley....

Karna maaf agar dil maine kabhi dukhaya ho...

Kabhi jo mene daant kar tumko kuch samjhaya ho...

Mera kaam karne ka apna ek alag andaaz tha..

Hamesha sabko hasaana mere kaam karne kaa agaaz tha...

Jaise saath nibhaya tum sabne ab tak mera hai...

Aise hee saath nibhana uska jo le raha kaam aur naam mera hai....

Ismey nahi hain shaq tum sab yaad bahut aaogey...

Aur jab bhi yaad aaogey to bahut dukhi kar jaaogey...

Zindagi bahut choti hai, saath shayad phir naseeb ho naa ho...

Shayad hum jaisa musaafir safar mein phir saath ho na ho...

Lekin yaad rakhnaa zindagi ka ye ek kadwa usool hai....

Kaam nikal jaaye tabhi paisa vasool hai...

Mujhe mere kaam se hee yaad rakhnaa dosto.....

Koi bhool agar hui ho to maaf karna dosto...